Солтүстік Қазақстан облысы әкімінің баспасөз қызметі республикадағы жалғыз және Орталық Азиядағы ең ірі, мүмкін әлемдегі қалайы кен орындарын игерудің басталғаны туралы хабарлады. Жұмыстарды “Tin One Mining”АҚ жүргізеді.
“Бұл біздің облыстағы алғашқы ірі жер қойнауын пайдаланушы. Біз бұл жобаны жүзеге асыруды ұзақ күттік. Бұл жобаға біздің өңір үшін рекордтық инвестиция салынады. Бұл шамамен Т100 млрд.Келесі жылы тау-кен байыту комбинаты салынатын болады. Кен орнында 600 адам жұмыс істейді”, – деді СҚО әкімі Құмар Ақсақалов.
Аймақтағы қалайы кендері Қазақстандағы жалпы расталған қорлардың шамамен 65% – ын құрайды.
“Tin One Mining” АҚ Вице-президенті Дмитрий Хван мемлекет тарапынан жобаға жан-жақты қолдау көрсетілетінін атап өтті. Оның ақпараты бойынша, жобаға көмек ретінде 50 МВт электр беру желісі мен қосалқы станция салынды. Бұл күрделі шығындарды айтарлықтай қысқартады.
Сарапшылардың бағалауы бойынша, бұл жоба Қазақстанға әлемдегі ең ірі қалайы өндірушілердің ондығына кіруге мүмкіндік береді. Қазір Лондон биржасында 1 тонна қалайы $21 мың долларға бағалануда.
Сурет: inbusiness.kz
