Орталық коммуникациялар қызметінде өткен брифингте Батыс Қазақстан облысының жолаушылар көлігі және автокөлік жолдары басқармасы басшысының міндетін уақытша атқарушы Қазбек Менеев Орал өзені арқылы өтетін автокөлік көпірін салу жобасы әзірленгенін мәлімдеді. Жобаның жалпы құны 36 миллион теңгені құрайды.
“Егер бұл жоба іске асырылса, бұл бізге Оңтүстік Қазақстаннан, Қытайдан барлық жүк ағынын Жымпиты кенті арқылы Чапаевқа және сол жерден, Республикалық жолмен – Казталов және Жәнібек ауылдары арқылы – тікелей Ресейге, Волгоградқа немесе Сайқын арқылы – Астраханьға жіберуге мүмкіндік береді”, – деп түсіндірді Менеев.
Жаңа көпір Қазақстанның оңтүстігінен Ресейге баратын жолды бір мың шақырымға қысқартады. Бұл Ресей Федерациясына, сондай-ақ Еуропалық континенттің оңтүстігіне жеткізуді айтарлықтай жеңілдетеді. Менеев көпір өңір тұрғындары айналыса алатын жол бойындағы бизнестің дамуына ықпал ететінін атап өтті.
Жобаның құны жоғары болғандықтан, оны қаржыландыру 2020 жылдан 2024 жылға дейін кезең-кезеңмен бөлінетін болады.
Сурет: kursiv.kz
