Маңғыстау облысы бойынша мемлекеттік кірістер департаменті ведомство қызметкерлері облыстық экономикалық тергеу департаментімен бірлесіп жедел жұмыс жүргізгені туралы ақпарат берді.
Операция барысында алкоголь өнімдерін заңсыз сату әрекеті анықталды.Ақтау қаласының маңындағы елді мекенде алкогольдік ішімдіктің ірі партиясы табылып, ұсталды.
Мемлекеттік кіріс департаментінің ақпараты бойынша, барлығы 13200 бөтелке алкоголь тәркіленді. Қаскүнемдер белгілі маркалы алкогольді ішімдіктер түрінде өзінің жалған өнімдерін таратқан.
Қазіргі уақытта бұл істің барлық материалдары одан әрі қарау үшін облыстық экономикалық тергеу департаментіне берілді.
