Қазақстанның бас санитарлық дәрігері Айжан Есмағамбетова қоғамдық көлікте жол жүрудің жаңа ережелері және санитарлық нормалардың орындалуын бақылау туралы айтып берді.
“Қоғамдық көлік жұмысын жаңарту мәселесі көптеген пікірталастар тудырды. Бірақ қызметкерлердің 50% – ы кәсіби қызметке жұмыс орындарына қайтарылатынын ескере отырып, біз барлығының жеке автокөлігі жоқ екенін түсінеміз, барлық жұмыс берушілер өз қызметкерлерін жұмыс орнына жеткізуді қамтамасыз ете алмайды, сондықтан белгілі бір шектеулермен қоғамдық көлік жұмысы жаңартылды. Бірақ өте қатаң талаптар қойылады”, – деді Айжан Есмағамбетова.
Жаңа талаптар медициналық қорғау бетперделерін міндетті түрде алып жүрумен байланысты.
“Қоғамдық көліктің толтырылуына өте қатаң талаптар қойылады, яғни толтыру тек отырғызу орындары бойынша болуы тиіс. Бұл ретте көлікті міндетті түрде дезинфекциялау жүргізілуі тиіс. Тек осындай жағдайда ғана қоғамдық көлік жұмыс істей алады”, – деді бас сандәрігер.
Төтенше жағдай режимі алынғаннан кейін қызметі жаңартылған объектілердің жұмысын бақылауды әкімдіктердің жедел штабтары жанынан құрылған арнайы ұтқыр топтар жүзеге асырады.
“Осы мобильді топтардың құрамына күштік органдар да, тауарлар мен қызметтердің сапасы мен қауіпсіздігін бақылау департаментінің қызметкерлері де кіреді. Жедел штабтардың жұмысы, ТЖ тоқтатылуына қарамастан, сақталады”, – деп толықтырды спикер.
Мұндай топтардың қызметкерлері көлікті ішінара тоқтатып, қоғамдық көлік қанша жолаушы барғанын және олардың бетперде кигенін тексеруді орындай алады.
Сурет: ru.sputniknews.kz
