28 тамызда Қарағанды облысында “Алтын үкі” халықаралық мергендер байқауының ашылуы өтеді. Іс-шара “Спасск” оқу орталығының базасында өтеді. Бұл туралы ҚР Қорғаныс министрлігінің баспасөз қызметі хабарлады.
Ашылу салтанатына Қазақстан Республикасының Қорғаныс министрі Нұрлан Ермекбаев пен шетелдік делегациялар өкілдері қатысады.
Қазақстанның Қарулы Күштері жарысқа қатысушыларға тікұшақтан десант түсіріп, шартты жауды жойып, кепілге алынғандарды босататын үлгілік өнер көрсетеді.
Биыл байқауға Қазақстан, Үндістан, Ресей, Өзбекстан, Беларусь, Италия, Біріккен Араб Әмірліктері, Сербия, Түркия, Түркменстан және Қытай командалары қатысады.
“Алтын үкі” бағдарламасын Қазақстан Қорғаныс министрлігі 2008 жылдан бастап жыл сайын ұйымдастырып келеді.
