Мемлекеттік қызмет істері Агенттігінде өткен брифингте келісімшарттық мемлекеттік қызметшілер институтын енгізу жоспарлары туралы хабарлады – оларды нақты мемлекеттік жобалар мен бастамаларды іске асыру кезінде жалдайтын болады, деп NUR.KZ хабарлайды.
Агенттік басшысы Анар Жайылғанова бұл жоспар ақпан айының соңында президент бекіткен мемлекеттік басқаруды дамыту тұжырымдамасы аясында жүзеге асырылатынын хабарлады. “Мемлекеттік аппарат штатын оңтайландырғаннан кейін келісімшарттық мемлекеттік қызметшілер институты енгізіледі, бұл мемлекеттік бастамалар мен салалық жобаларды іске асыру кезеңінде арнайы білімі бар кәсіпқойларды тартуға мүмкіндік береді”, – деп спикер мәлімдеді. Сондай-ақ, ол 2021 жылы президенттік кадрлық резервке екінші іріктеу өтетінін еске салды. “Талантты жастарды тарту және мемлекеттік аппараттың әлеуетін арттыру үшін ПМКР-ға іріктеуді одан әрі жүйелеу бойынша жұмыс жалғасады. Атап айтқанда, ағымдағы жылы президенттік кадрлық резервке екінші іріктеу өтеді”, – деді Жайылғанова.
