ақстанда 2022 жылғы 1 қаңтардан бастап жалақының өсуін ескере отырып, медициналық қызметтерге арналған тарифтер қайта қаралады. Бұл туралы Денсаулық сақтау министрі Алексей Цой ведомствоның кеңейтілген алқа отырысында мәлімдеді, бұл туралы ХАА “ҚазАқпарат”тілшісі хабарлайды.
Денсаулық сақтау министрлігінің басшысы бағам айырмашылығын ескере отырып, тарифтерді жетілдіруге 37,2 млрд теңге бөлінгенін хабарлады.
“Covid-19 науқастарын емдеу кезінде төсек-күндерге есептегенде стационарлар шығыстарын төлеудің жинақталған тарихи деректерін ескере отырып, клиникалық-шығынды топтар қағидаты бойынша жаңа тарифтер, сондай-ақ covid-19 бастан кешкеннен кейін медициналық оңалту бойынша тарифтер әзірленді. Мобильді бригадаларға тариф, қашықтықтан кеңес беру тарифтері әзірленді”, – деді Алексей Цой.
2021 жылы мамандандырылған, оның ішінде жоғары технологиялық, медициналық көмек көрсетуге ақы төлеу әдістерін, сондай-ақ онкологиялық бейіндегі емделіп шыққан жағдайларды ақы төлеу әдістерін жетілдіру жөніндегі жұмыс жалғастырылатын болады.
Алғашқы медициналық-санитарлық көмек тарифтерін қалыптастыру жұмыстары басталды.
“Сонымен қатар, біз пациенттердің ауырлығын ескере отырып, кардиохирургия, миокард инфарктісі, инсульт, травматологиялық және инфекциялық аурулар бойынша тарифтерді пилоттық тестілеуді өткізуді жоспарлап отырмыз. 2022 жылғы 1 қаңтардан бастап жалақының өсуін ескере отырып, медициналық қызметтерге арналған тарифтер қайта қаралады, университеттік клиникалар үшін коэффициенттер, сондай-ақ өңірлермен ұйымдастырушылық — әдістемелік жұмыс үшін ҰО мен ҒЗИ үшін коэффициенттер әзірленеді”, – деп Алексей Цой түсіндірді.
Бұған дейін ҚР Денсаулық сақтау министрі Алексей Цой Қазақстандағы КВИ-ға қарсы вакцинация барысы туралы айтып, сондай-ақ денсаулық сақтау министрлігі вакцинацияны ескере отырып, Қазақстандағы эпидемиологиялық жағдайдың болжамын қалыптастырғанын мәлімдеді. Сондай-ақ, денсаулық сақтау ұйымдарының медициналық емес қызметкерлерінің жалақысын көтеру жоспарлары және үкіметтің жеке қорғаныс құралдарының шығындарын өтеу ниеті туралы айтылды.
