Қазақстанда 2020 жылы медициналық қызмет көрсету тарифтерін 15% — ға дейін арттыруды жоспарлап отыр. Мұндай шешім тегін медициналық көмектің кепілдік берілген көлемінің (ТМККК) және міндетті әлеуметтік медициналық сақтандырудың (МӘМС) жаңа пакеттерін енгізу нәтижесінде қабылданды. Бұл туралы ҚР Денсаулық сақтау министрі Елжан Біртанов мәлім етті.
«2020 жылы екі пакетті енгізу нәтижесінде медициналық қызметтерге тарифтерді 15% – ға дейін арттыру, медицина қызметкерлерінің жалақысын 30% — ға дейін арттыру жоспарлануда. Осылайша, МӘМС енгізу халықтың өмірлік маңызды медициналық қызметтерге арналған қалта шығындарының деңгейін біртіндеп төмендетуге алып келеді», — деді Біртанов сейсенбі күні өткен Үкімет отырысында.
Ол, егер МӘМС енгізсе, онда қымбат медициналық қызметтер мен тексерулердің құны үш есе, ал тіс дәрігер қызметінің құны 2,5 есе өседі деп атап өтті.
«Бүгінде жекелеген медициналық қызметтерді алу үшін заңнамамен азаматтардың сегіз әлеуметтік осал санаты анықталды, оның ішінде балалар, жүкті, көп балалы аналар, зейнеткерлер және т.б. 2020 жылдан бастап МӘМС енгізу кезінде заңмен азаматтардың 15 жеңілдікті санаттары анықталды. Бұл тұлғаларды мемлекет сақтандырады. МӘМС енгізу шеңберінде бірқатар қызметтерді, оның ішінде қымбат диагностикалық қызметтерді қаржыландыру кеңейтіледі – олар бойынша қаржыландыру 3 есеге, тіс дәрігерлік қызметтерді қаржыландыру 2,3 есеге артады. Осылайша, ТМККК жаңа моделі ҚР барлық тұрғындары үшін медициналық көмектің қолжетімділігі мен сапасын арттырады», — деп түсіндірді ҚР Денсаулық сақтау министрі.
Біртанов атап өткендей, ТМККК пакетіне мемлекет бюджеті қаржыландыратын кепілдендірілген медициналық көмек көлемі кіреді.
«Ол ҚР азаматтары мен оралмандар үшін қолжетімді болады және жедел жәрдем мен санитарлық авиацияны; әлеуметтік-маңызды аурулар мен шұғыл жағдайларда медициналық көмекті; профилактикалық егулерді; амбулаториялық-дәрі-дәрмекпен қамтамасыз етілген амбулаториялық-емханалық көмекті қамтиды. Екінші пакет-бұл МӘМС қорына мемлекеттің, жұмыс берушілер мен қызметкерлердің міндетті сақтандыру жарналары есебінен қаржыландырылатын ТМККК-ден тыс медициналық көмек көлемін қамтитын МӘМС пакеті. Оған: амбулаториялық-емханалық көмек; стационарлық медициналық көмек, стационарды алмастыратын көмек, қалпына келтіру емі және медреабилитация; паллиативтік көмек және мейірбике күтімі; жоғары технологиялық көмек кіреді», — деп атап өтті Біртанов.
Естеріңізге сала кетейік, 2018 жылдың 1 қаңтарынан бастап медициналық сақтандыру қоры ЖМББ пакеті шеңберінде медициналық қызметтерді бірыңғай төлеуші болып шықты. 2020 жылға дейін сатып алуды жоспарлау, медициналық қызметтердің сапасын бақылау және ақы төлеу, төлемдер жүйесін жетілдіру, сондай-ақ жаңа тарифтік саясатты әзірлеу және енгізу жүзеге асырылатын болады. Мұндай шаралар 2020 жылға қарай МӘМС жағдайында қордың толық жұмысын қамтамасыз ете алады деп жоспарлануда.
2018 жылғы 1 қаңтардан бастап 2 жылға жарналар төлеу тоқтатылды.
