“Samruk-Kazyna Trust” әлеуметтік жобаларды дамыту қоры бас директорының орынбасары Әсел Шілдебаева 2019 жылдың соңына дейін “Медициналық поезд” жобасы аясында республика ауылдары мен кенттерінің 60 мыңнан астам тұрғыны тегін медициналық көмек алатынын айтты.
“Өткен жылы 124 шалғай станцияда тұратын 40 000-нан астам тұрғын тексерілді. Биылғы жылы біз баратын облыстардың санын арттырдық. Егер бір жыл бұрын поезд 9 облыстың тұрғындарын тексеруден өткізсе,биылғы маусымда поезд 21 желтоқсанға дейін жолда жүріп, Қазақстанның 14 облысының 195 станцияларында болмақшы. Жоспар бойынша 60 000-нан астам адамды қамту “, – деді Әсел Шілдебаева.
Шильдебаева “Медициналық пойыздың” ағымдағы қызметі туралы хабардар етті. Сәуір айынан бастап бүгінгі күнге дейін шалғай елді мекендердің 7 мыңға жуық азаматы медициналық көмек алды.
Бұл жоба шалғайдағы ауылдар мен кенттердің азаматтары мамандардың жоқтығына байланысты ала алмаған медициналық көмекті алуы үшін жасалды.
“Пойызда салалық мамандар бар, зертхана, тіс кабинеті, онколог, УДЗ кабинеттері және т.б. бар. Барлығын қабылдаймыз. Оған дейін пойыз Алматы облысында, ШҚО, Павлодар облысында болды, енді Ақмола облысына келді. Анықталған елеулі аурулардың ішінде бірнеше туберкулез, онкология және қант диабеті болды”, – деді “медициналық поездың” бас дәрігері Гүлнар Мәдиева.
2019 жылы сәуірде “Медициналық пойыз” Алматыдан бастау алып, ұйымдастырушылардың ақпараты бойынша, Қазақстанның барлық облыстарына баруды жоспарлап отыр. Осы жобаның арқасында шалғай ауылдардың барлық тұрғындары тегін білікті медициналық көмек ала алады.
Сурет: Zakon.kz
