Қазақстан Республикасының Үкіметі эпидемияға қарсы іс-шараларға тартылған дәрігерлердің еңбекақысына ақшалай үстеме ақының мөлшерін бекітті. Тиісті Қаулыға премьер-министр Асқар Мамин қол қойды.
Медицина қызметкерлеріне үстем ақы коронавирустық инфекцияны жұқтыру қаупінің белгіленген үш тобына сәйкес үш ай ішінде жүргізіледі.
Бірінші топқа – 850 мың теңге мөлшерінде ақшалай үстемақы алатын жоғары қауіптегі дәрігерлері жатады.
Екінші топқа дәрігерлер, провизорлық стационарлардың және жедел жәрдемнің орта және кіші қызметкерлері жатады. Олардың үстемесі 425 мың теңгені құрайды.
Үшінші топқа карантиндік стационарлардың кіші және орта медициналық қызметкерлері, санитарлық дәрігерлер мен жедел жәрдем жүргізушілері кірді. Олардың еңбекақысына үстемақы 212,5 мың теңге болады.
Қазақстанның Ақпарат және қоғамдық даму министрі Дәурен Абаев, егер үстем ақыларға қоса орташа жалақыны қоссақ, коронавируспен күресетін дәрігерлер 380 мыңнан бір миллион теңгеге дейін алатын болады деп атап өтті.
Сурет: rus.azattyg-ruhy.kz
