Халық алдында есеп беру барысында денсаулық сақтау министрі Елжан Біртанов Қазақстанда медицина саласы қызметкерлерінің жалақысы көтерілгенін мәлімдеді. Бұл туралы «Қазақпарат»ақпарат агенттігі хабарлайды.
«Біз Мемлекет басшысының бұл мәселеге үлкен көңіл бөлетініне қуаныштымыз, Ақтөбеде медициналық жұртшылықпен кездесу барысында жалақыны жүйелі түрде көтеру қажеттігі туралы айтылды. Мен Елбасы мен Президенттің тапсырмаларына сәйкес осы айдан бастап жалақы көтеру үшін барлық қажетті шаралар қолға алынғанын айтқым келеді», — деді Елжан Біртанов
Министр қосымша ақыларды есепке ала отырып жалақы 30%-ға көбейтілгеніне түсініктеме берді.
«Яғни, бұл адамдардың қолына тиетін еңбекақысын арттыру. Бұл жерде өзгешеліктар бар, өйткені біз барлық қажетті ақшаны қаржыландыруға салдық, көптеген адамдар білмейді-халық, бәлкім, Денсаулық сақтау жүйесінде жалақыны Денсаулық сақтау министрі немесе мемлекет белгілейді деп ойлайды. Іс жүзінде олай емес. Біз медициналық ұйымдарға қызметтері үшін ақы төлейміз. Тіркелген баға, біз оның тарифін атаймыз, жалақыны осы тарифке саламыз. Бұл тарифті медицина қызметкерлеріне ақша жетуі үшін көбейтеміз», – деп түсіндірді Елжан Біртанов.
Сондай-ақ, денсаулық сақтау министрі жалақы төлеу жүйесіндегі өзекті мәселелерді қозғады.
«Мәселе мынада,мысалы, өткен жылы біз БМСК тарифін 20% — ға арттырдық, бірақ соңында адамдарға бұл жалақының жеткенін көріп отырған жоқпыз. Мен қаңтар айынан бастап учаскелік дәрігерлердің жалақысын көтеруде,ол ақша қанша уақытта жетеді, алғашқы басшылар қалай жұмыс істейтініне көз жеткіздім. Биылғы жылы жаңа механизм бойынша істейміз. Бірінші кезекте, әлеуметтік медициналық сақтандыру қоры бұл ақшаның барлық медициналық орталықтарда, оның ішінде жеке медициналық орталықтарда мақсатты пайдаланылуын қадағалайтын болады. Қор бірыңғай төлеуші болғандықтан, ол қосымша талаптар белгілеуге құқылы», — деп толықтырды Елжан Біртанов.
Министрдің айтуынша, бұл жұмысқа кәсіподақтар тартылған.
«Біз барлық кәсіподақ ұйымдарымен келісім жасадық,бұл мәселе бүкіл әлемде қалай шешіліп жатыр, қаржыландыруды ұлғайтатын боламыз, ал кәсіподақтар жалақыны арттыруды талап ететін болады. Мен сенімдімін, бұл схема жұмыс істейтін болады. Жергілікті атқарушы органдар өз тарапынан бұған бақылауды қамтамасыз етеді деп ойлаймын. Бірақ дәл осы схема бойынша біз жалақыны жыл сайын арттыруды қарастырамыз. 2020 жылы жалақыны тағы да 30% — ға көтеруді жоспарлап отырмыз. Бұл үшін ақша бар, біз Сізбен бірге осы ақшаны жинадық. Ақпан айынан келесі жылдың ақпан айына дейін барлық сала бойынша жалақы 70%-ға жуық артады, бұл 400 мың медицина қызметкері», — деп түйіндеді Елжан Біртанов.
