ҚР Еңбек министрлігі төтенше жағдайға байланысты кірістерінен айрылғандар үшін әлеуметтік төлемдер төлеу ережелеріне түзетулер енгізді. Бұл туралы ҚР Еңбек министрлігінің баспасөз қызметі хабарлады.
Енді мұндай әлеуметтік төлемді ақысыз демалысқа кеткен шағын және орта кәсіпорындардың қызметкерлері, жалдамалы еңбекті пайдаланбайтын жеке кәсіпкерлер және жеке практикамен айналысатын тұлғалар ала алады.
Сонымег қатар, бірыңғай жиынтық төлемді төлеушілер және мәжбүрлі ақысыз демалысқа жіберілген коммерциялық емес заңды тұлғалар қамтылады.
Алайда, бұл әлеуметтік төлем міндетті әлеуметтік сақтандыру жүйесінде бір ай да қатысу өтілі жоқ тұлғаларға қолданылмайды.
Мөлшері 42,5 мың теңгені құрайтын бұл төлем төтенше жағдай режимінің қолданылу кезеңінде төленеді, егер режим ұзартылса, онда әлеуметтік төлем де ұзартылады.
Төтенше жағдай режимі ағымдағы жылдың 15 сәуіріне дейін әрекет етеді деп жоспарлануда, алайда, Республика басшысы Қасым-Жомарт Тоқаев айтқандай, қажет болған жағдайда ол ұзартылуы мүмкін.
