Қазақстан премьер-Министрінің орынбасары Бердібек Сапарбаев келесі жылы республикалық бюджеттің жартысы, атап айтқанда 8,5 триллион теңге мемлекеттің әлеуметтік саласын дамытуға бағытталатынын мәлімдеді. Сапарбаев бұл биылғы жылға қарағанда 12% — ға артық екенін атап өтті. Бұл туралы ол Үкіметтің әлеуметтік блогының жетекшілері ұйымдастырған елорда тұрғындарымен кездесу барысында мәлімдеді.
Премьер-Министрдің орынбасары 2019 жылдың 11 айында мемлекет экономикасына 10,8 триллион теңгеден астам қаржы тартылғанын, төрт жүз мыңнан астам жаңа жұмыс орны ашылып, 11 мың шаршы метр тұрғын үй пайдалануға берілгенін ерекше атап өтті.
«Мемлекет басшысының тапсырмасы бойынша 565 мың қазақстандыққа жалпы сомасы 115 млрд теңгеге қарыз жүктемелері төмендетілді, 1,2 миллион – 33,6 миллиард теңгеге айыппұлдар мен өсімақылар есептен шығарылды. 1,6 миллион адам атаулы әлеуметтік көмек алды, оның ішінде 1,1 миллионнан астам бала. Бұл мақсатқа 245 миллиард теңге бағытталды», – деп атап өтті Сапарбаев.
Сурет: cbsmedia.ru
