Біздің республикада Қазақстанның бас дәрігері Жандарбек Бекшиннің жарлығы күшіне енді, оған сәйкес коронавирустық инфекция бар елдерден келген азаматтар үшін карантин қолданыла бастайды, деп хабарлайды Tengrinews.kz ақпарат агенттігі.
Енді коронавирусы бар мемлекеттерден келетіндер үш санатқа бөлінеді. Жіктеуге байланысты эпидемияға қарсы әртүрлі іс-шаралар жүргізілетін болады.
Мәселен, бірінші санаттағы елдерден келген адамдар екі апталық карантинге жатқызылып, одан кейін 10 күн бойы медициналық бақылауда болады. Бұл санатқа Қытай мен Иран жатады.
Қазақстан Республикасына екінші санаттағы елдерден келген азаматтар тұратын жері бойынша медициналық ұйымдарда екі апта бойы дәрігерлердің бақылауында болады. Мұндай санатқа Сингапур, Таиланд және Әзірбайжан жатады.
Үшінші санатқа Германия, АҚШ, БАӘ, Ұлыбритания, Франция, Бахрейн, Кувейт, Испания және Малайзиядан келетіндер жатады. Олар біздің елге келгеннен кейін 24 сағат медицина қызметкерлерінің қадағалауында болады.
Қазақстан Денсаулық сақтау министрлігінің ақпаратына сәйкес, біздің елімізде коронавирус ауруы тіркелген жоқ.
