Мемлекет басшысы Қасым-Жомарт Тоқаев елімізде төтенше жағдай енгізіу туралы Жарлыққа қол қойды. Бұл туралы Ақорданың баспасөз қызметі хабарлады.
Қазақстанда Төтенше жағдай режимі Дүниежүзілік денсаулық сақтау ұйымы коронавирусты пандемия деп жариялағандықтан енгізді.
Төтенше жағдай әрекет ету кезеңінде біздің елімізде қоғамдық тәртіп және стратегиялық ерекше қорғалатын объектілер күзеті күшейтілетін болады.
Сонымен қатар, ірі сауда объектілерінің жұмыс істеуі шектеледі және сауда-ойын-сауық орталықтарының, азаматтардың жаппай жиналатын басқа да объектілердің жұмысы тоқтатылады.
Көпшілік адамдардың қатысуымен түрлі мәдени-ойын-сауық және спорттық іс-шаралар өткізуге тыйым салынады.
Төтенше жағдай шеңберінде карантин және ауқымды санитариялық-эпидемияға қарсы іс-шаралар енгізіледі, олар қорғаныс ведомствосының бөлімшелері мен ішкі істер органдарының қатысуымен жүзеге асырылатын болады.
Сонымен қатар, Президент Тоқаевтың Жарлығына сәйкес, Қазақстанда қандай да болмасын көлікпен келуге және шығуға шектеу қойылады. Алайда біздің республикамызға СІМ шақыруы бойынша шетелдік делегациялар келе алады.
Төтенше жағдай кезеңінде Қазақстанда осы режимді қамтамасыз ету жөніндегі мемлекеттік комиссия жұмыс істейтін болады.
Жарлыққа сәйкес төтенше жағдайды қамтамасыз ету үшін Қазақстан Министрлер Кабинетінің резервінен қаражат бөлінеді. Тәртіп 16 наурызда басталып, ағымдағы жылдың 15 сәуіріне дейін жалғасады.
