Мемлекетіміздің денсаулық сақтау министрі Алексей Цой брифинг өткізіп, оның барысында Қазақстанда коронавирус туралы статистика жақында өзгертілетінін айтты, деп хабарлайды vlast.kz ақпараттық ресурсы.
Цойдың айтуынша, Қазақстанның денсаулық сақтау министрлігінде коронавирустық инфекция мен пневмония бойынша статистиканы біріктіру туралы шешім қабылданды.
Сонымен қатар, Денсаулық сақтау министрі статистиканы біріктіру шешімі статистикалық деректердің барынша ашықтығын қамтамасыз ету мақсатында қабылданғанын түсіндірді.
«Осылайша, COVID-19 зертханалық расталған жағдайлары ПТР-тестінің теріс нәтижесі бар, бірақ коронавирустың клиникалық және эпидемиологиялық белгілері бар пневмония жағдайларымен біріктіріледі, «, — деді Денсаулық сақтау министрі.
Бұған дейін Қазақстан басшысы Қасым-Жомарт Тоқаев еліміздің министрлер кабинетінің алдына пандемия бойынша статистиканы анықтау міндеті қойылғанын айтқан.
Президент коронавирустан басқа азаматтардың денсаулығына пневмония үлкен зиян келтіріп жатқанын атап өтті. Сондықтан, Тоқаевтың пікірінше, пандемия жағдайы туралы барлық ақпарат халық үшін ашық болуы тиіс.
Соңғы мәліметтерге сәйкес, елімізде 66895 COVID-19-бен ауырғандар тіркелді. Ал, Қазақстанда вирустан емделген адамдар саны 40256.
