Қазақстан Бас прокуратурасының өкілдері коронавирус туралы жалған ақпаратты тарату фактілері бойынша қанша қылмыстық іс қозғалғаны туралы айтты. Бұл туралы coronavirus2020.kz ақпарат ресурсы хабарлайды.
Қадағалау органында Қазақстан азаматтарының көпшілігі эпидемияға қарсы іс-шараларға түсіністікпен қарайтынын, бірақ мемлекеттік органдар тарапынан ескертулерді елемейтін және коронавирус туралы жалған мәліметтерді таратумен айналысатын тұлғалар бар екенін атап өтті.
Осыған байланысты коронавирустық инфекция туралы жалған мәліметтерді тарату фактілері бойынша 8 қылмыстық іс ашылды. Ішкі істер органдарының қызметкерлері тергеу жүргізуде.
Бас прокуратура қазақстандықтарды тексерілмеген дереккөздерге сенбеуге және жалған ақпаратты таратпауға шақырады, өйткені мұндай әрекеттер үшін жауапкершілік қарастырылған.
Сондай-ақ, қадағалау органында Қазақстанда медициналық мекемеден өз еркімен кету және коронавируспен ауырғандар тығыз байланыста болған адамдар туралы мәліметтерді жасырып қалу жағдайлары тіркелген. Сондықтан екі адамға қатысты қазір сотқа дейінгі тергеу жүргізілуде.
Фото: 24.kz
