Қазақстан Республикасында жаңа коронавирусты табу және тарату жағдайына «Б жоспары» әзірленген,деді Үкімет отырысында денсаулық сақтау министрлігінің басшысы Елжан Біртанов. Бұл туралы . zakon.kz хабарлады.
«Денсаулық сақтау министрлігі ағымдағы жылдың 6 қаңтарынан бастап коронавирусты инфекцияның әкелінуі мен таралуына жол бермеудің 3 кезеңін жүзеге асырды. БӨП-де санитарлық — эпидемиологиялық бақылау күшейтілді, Қытайдан келген адамдарға бақылау жүргізілді, жеке қорғану құралдарының қажетті қорлары қамтамасыз етілді», — деп түсіндірді Біртанов.
Ол атап өткендей, денсаулық сақтау министрлігінің бұйрығына сәйкес санитарлық-карантиндік пункттерге барлық мемлекеттік шекараларға қосымша жүздеген маман жолданып, коронавирустың зертханалық диагностикасы дайындалды. 20 ақпаннан бастап ведомство шараларды күшейтудің 3-ші кезеңін іске қосты.
«1 наурыздан бастап министрлік күшейтудің төртінші кезеңін енгізді. Сонымен қатар, азаматтардың денсаулығын қорғау мақсатында Ел Президентінің тапсырмасын орындау үшін денсаулық сақтау министрлігі мемлекеттік органдармен бірге елімізде коронавирустық инфекцияны анықтау және тарату кезінде іс – қимыл тәртібін әзірледі — «Б жоспары». 6 қаңтардан бастап осы уақытқа дейін санитарлық бақылау күшейтіліп, мемлекеттік шекараны өткізу бекеттерінде бақылау қамтамасыз етілді», — деді министр.
Жалпы, оның айтуынша, әлемде бүгінгі күні 88571 жағдай пневмонияның жаңа түрімен ауырса, соңғы 24 сағат ішінде 1951 жағдай тіркелген, күнделікті өсім 2,25 пайызды құрайды. Оның ішінде Қытайда коронавирусты анықтаудың 80174 жағдайы тіркелген, соңғы тәулікте — 206 жағдай. Ауырғандардың ең көп саны тәулігіне 35 пайыз орташа өсімі бар Италия, Иран және Жапонияда тіркелген.
Сурет: zakon.kz
