Біздің республикамызда індетпен күресуге жауапты ведомствоаралық комиссияның кезекті отырысы өтті, деп жазады ҚР үкімет басшысының баспасөз қызметі.
Отырыс еліміздің министрлер кабинеті басшысының орынбасары Ералы Тоғжановтың төрағалығымен видеоконференцбайланыс арқылы өтті. Оның айтуынша, еліміздің бірнеше өңірлерінде крорновируспен ауырғандар саны көбеюде,бұған белгіленген карантиндік шараларды сақтамау себеп болып отыр.
Осыған байланысты вице-премьер республикада індет әлі аяқталмағандықтан, міндетті карантиндік талаптардың сақталуына бақылауды күшейту қажеттігін мәлімдеді.
Видеоконференция соңында Қазақстан әкімдіктерінің және мемлекеттік органдарының басшыларына елде жүргізілетін дезинфекциялық жұмыстарды күшейту, қоғамдық көліктің тиелуін тек отыратын орын саны бойынша бақылауды қамтамасыз ету тапсырылды.
Сонымен қатар, оларға азаматтардың бетперде режимін сақтауын бақылауды қамтамасыз ету, сондай-ақ еңбек ұжымдарында әлеуметтік байланыстар деңгейін төмендету шараларын қабылдау тапсырылды.
Сурет: 24.kz
