Біздің республикада төтенше жағдай режимін және COVID-19 салдарынан енгізілген шектеу шараларын бұзғандарға әкімшілік айыппұл мөлшері артады, деп хабарлайды zakon.kz.ақпарат ресурсы.
Қазақстан Республикасының Әкімшілік құқық бұзушылық туралы кодексіне бұл түзету парламенттің төменгі палатасының басшысы Нұрлан Нығматулиннің төрағалығымен өткен Мәжілістің бүгінгі пленарлық отырысында қабылданды.
Шектеу шараларын бұзғаны үшін жауапкершілікті қатаңдату түзетулерін мәжілісмендер Президент Қасым-Жомарт Тоқаевтың осы жылдың 27 сәуірінде берген тапсырмасын орындау үшін қабылдады. Ол санитарлық-карантиндік бақылауды жақсартуға бағытталған.
Енді Қазақстан Республикасында карантиндік шараларды бұзғандарға 100 айлық есептік көрсеткіш көлемінде айыппұл салынады немесе 15 тәулікке қамауға алынады. Салыстырсақ, қазір айыппұл мөлшері 10 айлық есептік көрсеткішті құрайды.
Шектеу шараларын қайталап бұзған жағдайда жаза күшейтіледі. Атап айтқанда, 200 айлық есептік көрсеткіш көлемінде айыппұл салынады, ал тәртіп бұзушылар 30 тәулікке дейін қамауға алынады.
11 мамырдан бастап Қазақстанда коронавирустың таралуына байланысты енгізілген төтенше жағдай режимі әрекет етуін тоқтатты. Дегенмен, індет әлі аяқталмағандықтан, карантиндік шаралар елде тоқтатылған жоқ.
Сурет: mediazona.ca
