Әлеуметтік желілерде және мессенджерлерде Қазақстан аумағында карантин және төтенше жағдай режимі ағымдағы жылдың 24 шілдесіне дейін ұзартылатыны айтылған бейнеролик таратыла бастады.
Ролик Францияда коронавирустық инфекцияның таралуы және осы мемлекеттің аумағында карантиннің ұзартылуы туралы баяндалатын “Хабар 24” телеарнасы түсірген сюжеттің үзіндісі болып табылады.
Қаскүнем әңгіме мәнмәтінінен фрагментті әдейі үзіп, оны интернетте тарата бастады.
“Ресми түрде бұл жалған екенін мәлімдейміз. Материалдағы әңгіме тек Франция туралы болды, онда Үкімет төтенше жағдай режимін 24 шілдеге дейін ұзартуды ұсынды. Бастаманы Франция парламенті қарастырмақ”, – деп”Хабар 24″ хабарлайды.
Қазақстан Республикасының аумағында жалған ақпарат таратқаны үшін әкімшілік және қылмыстық жауапкершілік көзделген.
