Республикамыздың бас дәрігері Айжан Есмағамбетова карантин шаралары және оларды кезең-кезеңімен жеңілдету туралы қаулыға өзгерістер енгізді. Бұл туралы kursiv.kz ақпарат агенттігі жазады.
Есмағамбетованың қаулысына сәйкес 31 тамыздан бастап Қазақстан Республикасында қала маңы жолаушылар поездары мен электр пойыздарының қозғалысы, сондай-ақ облысішілік қалааралық қоғамдық көліктің жүруі қалпына келтіріледі.
Сондай-ақ, ерекше білім беру қажеттіліктері бар балаларға арналған арнайы мектеп-интернаттар, діни нысандар, бассейндер, мамандандырылған ұйымдардың жұмысы қайта жанданады.
Сонымен қатар, 31 тамыздан бастап оқушылардың жалпы саны 180 адамнан аспайтын мемлекетіміздің оқу мекемелеріне жұмыс істеуге рұқсат етіледі.
Сондай-ақ, құжатта демалыс және мереке күндері елімізде сауда-ойын-сауық орталықтары, барлық жабық базарлар, спорттық-сауықтыру орталықтары және косметикалық қызмет көрсететін нысандар жұмыс істемейді деп белгіленген.
Бас санитарлық дәрігердің қаулысына енгізілген осы өзгерістердің барлығы біздің республикамыздағы карантин режимін жеңілдетудің екінші кезеңі болып табылады.
Бүгінгі таңда Қазақстанда коронавирус жұқтырудың 105684 жағдайы тіркелді. Дегенмен, біздің елімізде 96135 адам COVID-19-дан емделді.
