Еліміздің бас санитарлық дәрігері Ерлан Қиясов карантин режимі туралы жаңа қаулы шығарды. Оған сәйкес, Қазақстанда медициналық мекемелер мен жедел жәрдем көліктерінде аудио-, фото — және бейнетүсірілімге тыйым салынады, деп хабарлайды ekaraganda.kz ақпарат арнасы.
Сондай-ақ, республикада адамдар көп жиналатын түрлі іс-шаралар өткізуге, ойын-сауық мекемелерінің қызметіне, жаңа жылдық ертеңгіліктер мен мерекелік корпоративтер ұйымдастыруға тыйым салынды.
Сондай-ақ, қоғамдық тамақтану объектілерінде кальяндар пайдалануға, балаларды сауықтыру лагерлерінің қызметіне және спортшылардың Қазақстаннан тыс жерлерде оқу-жаттығу жиындары мен жарыстарға қатысуға шығуына тыйым салынады.
Мұндай шаралар коронавирустық инфекцияның таралу қаупіне байланысты енгізіледі.
Бүгінгі таңда коронавирус бойынша «қызыл» аймақта төрт облыс — Павлодар, Қостанай, Ақмола және Атырау облыстары бар. Нұр-Сұлтан, Алматы және Солтүстік Қазақстан облыстары «сары», қалған өңірлер «жасыл» аймақта.
Қазақстанда анықталған жұқтыру оқиғаларының саны 150951-ді құрайды. Ал, коронавирустан айыққан адамдар саны 137846.
