Қазақстан Республикасында шектеу шараларын, оның ішінде карантин режимін енгізудің жаңа ережелері әзірленді. Бұл туралы baigenews.kz ақпарат агенттігі жазады.
“Ашық НҚА” сайтында жарияланған жаңа ережелерге сәйкес елдің бас санитарлық дәрігері шекарадағы өткізу пункттерінде де шектеу шараларын енгізе алады.
Жаңа ережелердің басты ерекшелігі – өңірлердің бас санитарлық дәрігерлері жұқпалы аурулардың таралу қаупі төнген жағдайда, тізімде көзделмеген шектеу шараларын енгізу құқығына ие болуында.
Қазір мұндай шаралар инфекцияның жеті түрінің – оба, тырысқақ, ауыр жіті респираторлық синдром, вирустың жаңа кіші түрінен туындаған адам тұмауы, сондай-ақ коронавирус таралу қаупі туындаған жағдайда ғана енгізіледі.
Оларды әзірлеушілердің айтуынша, жаңа ережелер осы жылдың 7 шілдесіндегі халық денсаулығы және денсаулық сақтау жүйесі туралы Кодекске сәйкес дайындалды.
Қазіргі уақытта ережелер 14 қыркүйекке дейін жалғасатын қоғамдық талқылау сатысында.
Сурет: kzaif.kz
