Қазақстанның ішкі істер министрлігі 2019 жылы полиция қызметкерлері заңсыз ақпаратты тарататын 14 мың шетелдік ресурстарды бұғаттағанын айтты.
«Жыл басынан бері ішкі істер органдары құқыққа қарсы мазмұндағы белгілері бар шамамен 14 мың шетелдік интернет-ресурстарды, оның ішінде порнографиялық 5,3 мың материалдарды, террористік және экстремистік бағыттағы – 4,7 мың, есірткі қылмыстары бойынша – 3,8 мың, қарудың заңсыз айналымы бойынша – 34 және суицидтік бағыттағы 15 ресурстарды анықтады», – деп хабарлады ведомстводан.
Полицейлердің айтуынша, табылған сайттар туралы барлық мәліметтер Қазақстанның пайдаланушыларына қолжетімділікті оқшаулау үшін ақпарат және қоғамдық даму министрлігіне беріледі.
Сурет: Inform.kz
