Қазақстанның Индустрия және инфрақұрылымдық даму Вице-министрі Берік Камалиев автожол саласындағы сыбайлас жемқорлыққа қарсы күрес мәселелерін талқылау бойынша отырыс барысында елімізде көлік құралдарын өлшеу процесін автоматтандыру жоспарланғанын айтты.
«Біз ірі көлемді және ауыр салмақты автокөлік құралдарының жүріп өтуін бақылау жөніндегі функцияларды ішкі істер министрлігінің қарамағына толық тапсырғымыз келді. Алайда ІІМ кеңесінде бұл ұсынысты қолдаған жоқ. Осыған байланысты, біз жұмыс тобының отырысын өткіздік және оның қорытындысы бойынша адам факторын алып тастау үшін, көлік құралдарын габаритті емес өлшеу үдерісін автоматтандыру қажет деп шешім қабылдадық, бұған заң мүмкіндік береді», — деді Берік Қамалиев
Ол бұл мәселеде басқа мемлекеттердің тәжірибесін ескеру қажет деп есептейді.
«Біз жақында Польшаның тәжірибесін зерттедік, онда автомобильді бақылау департаментінің құрамында көліктік бақылау бюросы мен ақылы жолдардан алынатын алымдарды өндіріп алу бюросы бар. Яғни, бір агенттікте екі басқарма шоғырланған. Сондықтан біз польшалық тәжірибені қолдану мүмкіндігін қарастырудамыз»,-деді вице-министр.
Сурет: cargolink.ru
