Қазақстан Республикасы Премьер-Министрінің орынбасары — Сыртқы істер министрлігінің басшысы Мұхтар Тілеуберді Үкімет отырысы аясында республикада инвесторлармен жұмыс істеуде жаңа тәсілдерді енгізуге ниетті екенін мәлімдеді. Бұл туралы primeminister.kz порталы хабарлайды.
«Премьер-министрдің басшылығымен инвестициялық штаб құру қажет деп санаймыз, ол инвестициялық жобаларды жедел түрде қарайды және инвесторларға жан — жақты қолдау көрсетеді», — деді Тілеуберді.
Ол осы штабтың жұмысын қалай құру жоспарланғаны туралы айтты.
«Мемлекеттік органдар мен жеке бизнес Инвестициялық тапсырыс жасайды, кейін оны Kazakh Invest шоғырландырады. Содан кейін Business Connect базасында инвестициялық ұсыныстарды верификациялау үшін «Астана» халықаралық қаржы орталығының алаңын пайдалану жоспарлануда», — деп министр түсіндірді.
Верификациядан өткен жобалардың арасында арнайы пул құрылады. Ол TaskForce бөлімшесімен бірге жүреді. Бұл жоба сарапшыларының арнайы құрылған тобы туралы. Команда инвестштабтың күн тәртібін қалыптастыру жұмыстарын ұйымдастырады және айналысады. Қажет болған жағдайда бұл жұмысқа шенеуніктер, қаржы институттары мен квазимемлекеттік сектор өкілдері тартылады.
Әрі қарай жобалар инвестштабтың талқылауына шығарылады, ол өз кезегінде инвестор үшін ерекше жағдайлар туралы шешім қабылдайды. Мұндай ерекше шарттарды экономикалық өсуді қалпына келтіру туралы Заңның контексінде стратегиялық инвестициялық келісімге енгізу жоспарлануда. Бұл құжат осы жылдың 16 қаңтарында күшіне енді.
Сурет: kapital.kz
