«СК-Фармация» бірыңғай дистрибьюторының өкілдері біздің республикамызда коронавируспен ауыратын азаматтарды емдеуге қолданылатын медициналық препараттардың екі айлық төмендетілмейтін қоры қалыптасатынын хабарлады. Бұл туралы forbes.kz жаңалықтар ресурсы хабарлайды.
«СК-Фармация» қазір біздің мемлекетімізде коронавирус індетінің ықтимал күзгі толқынына дайындық жүргізіліп жатқанын айтты. Осыған байланысты бірыңғай дистрибьютор дәрі-дәрмектерді сатып алып, республикалық және жергілікті деңгейде тұрақтандыру қорларын қалыптастыру жұмысын жалғастыруда.
«Мемлекет басшысының тапсырмаларын іске асыру шеңберінде дәрі-дәрмектерді сатып алу және сапалы жоспарлау бойынша шаралар қабылданды, сертификаттау және тіркеу рәсімдері, сондай-ақ бір жолғы әкелу рәсімдері жеңілдетілді», — деп атап өтті бірыңғай дистрибьютор өкілдері.
«СК-Фармацияның» мәліметі бойынша, бүгінгі таңда республиканың барлық медициналық мекемелерінде сұранысқа ие медициналық дәрі-дәрмектердің бір айлық қоры бар.
Сонымен қатар, «СК-Фармацияда» Қазақстан Республикасында дәрі-дәрмектердің екі айлық азаймайтын қоры осы жылдың 30 қыркүйегіне дейін қалыптастырылатынын айтты.
Бұған дейін бірыңғай дистрибьютор өкілдері коронавируспен ауыратын бір миллионнан астам Қазақстан азаматтары мемлекеттен тегін медициналық дәрі-дәрмек алатынын айтқан. Бұл мақсатқа 8 миллиард теңге қарастырылған.
