Бүгіннен бастап “Қазақстан” телерадиокорпорациясының құрамына кіретін Tamasha TV ойын-сауық сипаттағы телеарнасы хабар таратуды тоқтатты. Бұл туралы корпорацияның баспасөз бөлімінде хабарлады.
Мекемеде Қазақстан Республикасының телевизиялық нарығында коронавирустық инфекция індетіне байланысты жарнамадан түсетін табыс азайғанын хабарлады. Келесі жылға болжам да көңіл көншітпейді.
Tamasha TV ТВ-арнасын қаржыландыру жарнамадан түскен ақшалай қаражат есебінен жүзеге асырылды. Бұл біздің республикадағы ойын-сауық контенті бар алғашқы арна болды, ол 2018 жылдың 1 қыркүйегінде хабар тарата бастады.
Сонымен қатар, бұл телеарнаның хабарларын Qazaqstan TV YouTube-арнасынан көруге болады.
Нарықтағы қиын жағдайға қарамастан, “Қазақстан” телерадиокорпорациясының медиаресурстарында ұлттық құндылықтарды, сондай-ақ этносаралық бірлікті ілгерілету жөніндегі қызметті күшейту жоспарлануда. Корпорацияда сондай-ақ тәулігіне 17 сағат орыс және қазақ тілдерінде хабар тарататын Abai tv мәдени-білім беру арнасын тарату қажеттігін атап өтті.
“Қазақстан” мемлекеттік ТРК Qazaqstan ұлттық ТВ-арнасын, Qazsport, Balapan, Abai tv, “Қазақ радиосы” телеарналарын, сондай-ақ Shalqar радиосын, Astana радиосын, Classic радиосын және облыстық телерадиокомпанияларды біріктіреді.
Сурет: ru.sputniknews.kz
