Қазақстан Республикасында коронавирус індетінің таралуына қарсы күреске бөлінген мемлекеттік қаражатты аса ірі көлемдегі алаяқтық жолымен ұрлау фактісі бойынша қылмыстық іс ашылды, деп хабарлайды Ақорданың баспасөз қызметі.
Мемлекеттік қаражатты ұрлауды тергеумен республикамыздың қаржы министрлігі Экономикалық тергеу қызметінің мамандары айналысуда.
Тергеудің қажетті рәсімдерін өткізуге байланысты Ақордада ұрланған қаражат жөнінде толық ақпаратты берген жоқ.
Сонымен қатар, қазіргі уақытта Қазақстанда әлеуметтік медициналық сақтандыру қорының бұрынғы басшылығына қатысты ашылған қылмыстық іс тергелуде. Ол сатып алынған қызметтердің құнын асыра көтеріп бюджет қаражатын жымқырды деп күдікке ілінді.
Бұған дейін Қазақстанның қаржы вице-министрі Берік Шолпанқұлов COVID-19-бен күреске біздің елімізде 192 миллиард теңге бағытталғанын айтқан. Бұл ретте 125 миллиард теңге бюджеттен, ал 67 миллиард теңге — Үкімет резервінен бөлінді.
