Ішкі істер министрлігі қызметкерлерінің арасында сыбайлас жемқорлық тақырыбына бейесімді сауалнама жүргізіледі. Бұл туралы бүгін сыбайлас жемқорлыққа қарсы күреске арналған брифингте «Талап» қолданбалы зерттеулер орталығының өкілі Серік Беркамалов мәлімдеді.
«Біз ІІМ қызметкерлерінің сыбайлас жемқорлық туалы ішкі түсіністік, ІІМ ұжымы ішіндегі өзара қарым-қатынасты анықтау мақсатында анонимдік сауалнама жасауды және жүргізуді жоспарлап отырмыз. Бұл сауалнаманы екі ай бойы әзірлеп, шетелдік және қазақстандық әлеуметтанушыларды қатыстырып, осы сауалнаманың жобасын дайындады», — деді Беркамалов.
Сауалнаманы ағымдағы жылдың тамыз-қазан айларында ішкі істер министрлігінің кемінде 2000 қызметкерін тарта отырып жүргізу жоспарланып отыр.
Сондай-ақ Берқамалов сауалнамада өз жұмысына қанағаттану көрсеткіші және қызметкерлерді ынталандыру бөлімі бар екенін атап өтті.
«Шектерді өзгертуге және сыбайлас жемқорлық ұғымының өзін анықтауға бағытталған басқа бағыт, яғни формальды емес қатынастардың қай деңгейінен сыбайлас жемқорлық басталады. Ауызша алғыс немесе елеусіз сыйлықтар – осының бәрін біз білгіміз келеді. Үшінші бөлім сыбайлас жемқорлықтың қарқындылығына арналады, яғни бөлімшелердің беделі туралы ақпарат жинағымыз келеді. Яғни ІІМ жүйесіндегі қандай бөлімшелер сыбайлас жемқорлыққа бейім», – деді «Талап» орталығының өкілі.
Ол сауалнама тек талдау үшін ғана емес, ІІМ жұмысын өзгерту туралы ұсыныстар алу үшін де жүргізілетініне сендірді.
«ІІМ қызметінде қолданылатын барлық нормативтік-құқықтық актілер талданатын болады. Бұйрықтар, ішкі бұйрықтар, оның ішінде қызмет бабында пайдалану үшін ішкі бұйрықтар. Біз сыбайлас жемқорлық тәуекелдерінің болуы тұрғысынан зерделеуге тиіспіз.Осы жемқорлық тәуекелдерін орнатқаннан кейін, біз қандай өзгерістер енгізу керек деген ұсыныстар береміз және ІІМ мен агенттік заңнамаға өзгерістер енгізу жөнінде шешім қабылдайтын болады», – деп түйіндеді Серік Берқамалов.
Сурет: zakon.kz
