Қазақстанда Қытай Huawei компаниясының өніміне тыйым салынбақшы. Бұл туралы Парламент Мәжілісінде ҚР Ақпарат және коммуникациялар министрі Дәурен Абаев мәлім етті.
Министрге Huawei және ZTE қытай компанияларының өнімдерінен бас тарту жөнінде сұрақ қойылды. Атап айтқанда, осы өндірушілердің өнімдерін мемлекеттік сатып алудан бас тартқан АҚШ пен Жапония аталған.
Дәурен Абаев Huawei компаниясымен Қазақстан Үкіметінің жемісті ынтымақтаста екенін айтты.
“Бұл АҚШ пен Жапонияның құқық қорғау органдарына қатысты мәселе. Бізде Huawei-мен өте жақсы жемісті ынтымақтастық бар. Олар “Астана хабында”, сізге түсінікті болу үшін. Олар өнімдерін жастар өздерінің кейбір жұмыстарын сынауға мүмкіндік алсын деп береді. Сондықтан мен мұнда ешқандай қылмысты көрмеймін”, – деді Дәурен Абаев.
Естеріңізге сала кетейік, Қытай технологиялық компаниялары Вашингтонның күдігіне тап болды: АҚШ-та олардың Қытай үкіметімен байланысты болуы мүмкін және Пекин бұл технологиялық компанияларды тыңшылық үшін пайдаланылуы ықтимал деп қауіптенеді.
Президент Дональд Трамп қол қойған АҚШ әскери бюджеті Қытай өндірушілерінің телекоммуникациялық жабдықтарын сатып алуға және пайдалануға тыйым салады. 2019 жылдың 13 тамызы, яғни Трамп АҚШ әскери бюджеті туралы Заңға қол қойғаннан бір жылдан кейін, ZTE және Huawei телекоммуникациялық жабдығы тыйым салынады. Қытайлық өндірушілердің бұл техникасын мемлекеттік мекемелерге сатып алуға да, пайдалануға да болмайды.
Вашингтон сондай-ақ одақтас елдердің провайдерлерін Huawei жабдығын пайдалануды тоқтатуға сендіруге тырысады. АҚШ-тың Германия, Италия және Жапонияда орналасқан әскери базаларының қауіпсіздігі Ақ үйдің аса алаңдаушылығын тудырады. Бұл елдердің компаниялары Қытай өндірушісінің жабдықтарын кеңінен пайдаланады.
Сулет: total.kz
