Индустрия және инфрақұрылымдық даму министрі Жеңіс Қасымбек баспасөз конференциясында, Қазақстан өзінің жер қойнауын геологиялық барлауға жыл сайын 100 млрд теңгеге дейін жеке инвестицияларды тартуға ниетті екенін айтты.
«Жыл сайын геологиялық барлауға жеке инвестициялауда 100 млрд теңге бөлінеді деп күтеміз», — деп түсіндірді министр.
Жеңіс Қасымбек өткен жылдың маусымынан бастап елімізде жер қойнауын пайдалану туралы жаңа кодекс күшіне енгенін, ол осы саладағы әкімшілік рәсімдерді жеңілдетіп, салаға жеке салымдарды тартуға түрткі болғанын айтты.
Қазақстанда тәуелсіздік алғаннан кейін геологиялық барлау «рентабельді емес» деп жойылды. Қазіргі уақытта елде осы саладағы мамандардың жетіспеушілігі де сезіледі, сондай-ақ КСРО кезінде игеріле басталған кен орындары біртіндеп таусылып жатыр.
Сулет: kaztag.kz
