Бүгінгі күні Қазақстанда есірткі заттарын сатумен айналысатын түрлі интернет-сайттар жұмыс істейді. Осыған байланысты осындай қызмет үшін жазаны күшейту ұсынылды. Бұл туралы Ішкі істер министрлігінің баспасөз қызметі хабарлады.
Ведомствоның ақпараттары бойынша, біздің елімізде күн сайын есірткіні сататын немесе жарнамалайтын 4,5 мың сайт бұғатталады. Есірткі заттарының таралуымен күресу үшін кейбір онлайн түзетулер енгізілді. Жаңа енгізілімдер арқылы бұл сайттар қысқа мерзімде бұғатталады.
Сонымен қатар интернет-ресурстар арқылы есірткіні таратуға байланысты бірқатар заңнамалық бастамалар қарастырылуда. ІІМ есірткіні өткізу үшін жауапкершілікті күшейту бойынша түзетулер әзірледі. Жаңа ұсыныстар қылмыстың құрамын саралаушы белгімен толықтырады: «есірткі құралдары мен психотроптық заттарды дайындау, сатып алу, сақтау, өткізу мақсатында тасымалдау, жіберу не өткізу туралы ұсыныстарды электрондық ақпараттық ресурстарда орналастыру. Мұндай әрекеттің қауіптілігін ескере отырып, оны жасағаны үшін 15 жылдан 20 жылға дейінгі мерзімге бас бостандығынан айыру немесе мүлкін тәркілей отырып өмір бойы бас бостандығынан айыру түрінде қылмыстық жауапкершілік белгілеу ұсынылады», – деп хабарлады Ішкі істер министрлігі.
Сондай-ақ, ведомствода бұл түзетулер жақын арада Қазақстан Республикасы Мәжілісінің қарауына берілетінін айтты.
Сурет: ic24.kz
