Нұр-Сұлтан полиция департаментінің есірткі қылмысына қарсы іс-қимыл басқармасы бөлімінің бастығы Сергей Ильин жедел жұмыс барысында Нұр-Сұлтан, Алматы, Шымкент және Қарағанды қалаларында есірткі сатушылар құрықталғанын айтты.
“Синтетикалық есірткі алу бойынша үлкен жұмыс жүргізілді. Биылғы жылы киви әмиянға ақша салу және аудару жолымен психикалық белсенді заттарды тікелей өткізумен, сондай-ақ елорда аумағында синтетикалық текті психикалық белсенді заттарды таратумен айналысатын адамдар тобы ұсталды. Арнайы операция бүкіл Қазақстан бойынша өтті. Нұрсұлтан, Шымкент, Алматы және Қарағандыда таратушылар анықталды”, – деді Ильин.
Елордалық полиция департаментінің қызметкері есірткі сатушылардан 1000-ға жуық есерлеткіш таблеткасы мен 200-ден астам психикалық белсенді заттар табылып, тәркіленгенін мәлімдеді.
«Операция әлі қисынды қорытындыға келген жоқ,себебі қылмыстық байланыстар шеңбері, жоғарыда аталған адамдардың психикалық белсенді заттарды тарату және сату схемасы анықталуда”, – деп толықтырды басқарма басшысы.
Соңында Сергей Ильин 2019 жылы Нұр-Сұлтанда есірткі затын заңсыз сатуға байланысты 82 қылмыстық іс анықталғанын айтты.
Сурет: informburo.kz
