Қазақстанның бас санитарлық дәрігері Айжан Есмағамбетова коронавирустың ел аумағында таралуына қарсы тұру мақсатында республикаға кіруге жаңа шектеу шаралары туралы қаулыға қол қойды.
Әкімдер, облыстық денсаулық сақтау басқармаларының, сондай-ақ Алматы, Нұр-сұлтан және Шымкент әкімдері қазақстандық үкіметтік делегацияларды қоспағанда, шетелден біздің елімізге келетін барлық адамдарды коронавирусқа тексеру жүргізу үшін карантиндік стационарда екі тәулікке оқшаулауды қамтамасыз етуі тиіс.
Көліктегі тауарлар мен қызметтердің сапасы мен қауіпсіздігін бақылау департаменті, тауарлар мен қызметтердің сапасы мен қауіпсіздігін бақылау комитетінің аумақтық департаменттері, мемлекеттік кіріс органдарының құрылымдық бөлімшелері еліміздің мемлекеттік шекарасы арқылы өткізу автопунктеріндегі санитарлық-карантиндік бақылауды қамтамасыз етуі тиіс, бұл ретте міндетті түрде мемлекеттік шекара арқылы барлық өткізу пункттерінде шетелден келетін барлық азаматтардың температурасы өлшенетін болады.
Сондай-ақ, қаулыда медициналық мекемелерде, жедел медициналық жәрдем машиналарында және жергілікті атқарушы органдар карантинге жатқызылған үй — жайларда аудио -, фото-және бейнетүсірілімдер жүргізуге тыйым салынғаны туралы сөз болып отыр.
Оның ішінде медициналық қызметкерлердің үйде медициналық көмек көрсеткенде, ошақта эпидемиологиялық тексеру жүргізген кезде, науқастар мен байланыста болған адамдарға сауалнама жүргізген кезде алуға тыйым салынады.
Бұдан басқа, жаппай іс-шараларға қатаң тыйым салынды.
Сурет: yandex.ua
