Qazatrade сауда саясатын дамыту орталығы төрағасының орынбасары Әсел Егембердиева оның базасында экспорттаушылар үшін барлық қажетті қызмет түрлерін ұсынатын ақпараттық-талдау порталы белсенді құрылатынын мәлімдеді. Бұл туралы ҚР премьер-Министрінің баспасөз қызметі хабарлады.
Ол ағымдағы жылдың желтоқсан айында Qazatrade аясында экспорттаушыларға арналған бірыңғай порталды іске қосу жоспарланып отырғанын атап өтті. Портал кәсіпорынның және оның өнімінің экспорттық әлеуетін бағалауды, әлеуетті импорттаушының нарығын талдауды, өнімге назар аудару үшін жарнамалық науқанды өткізуді, экспортты жүзеге асыру үшін құжаттар пакетін құруды, шетелдік және сақтандыру нарықтарын талдауды, сыртқы нарыққа шығу үшін кедергілерді талдауды және оларды еңсеру тәсілдерін ұсынуды қамтитын болады.
Порталда сондай-ақ экспорттаушылар үшін Қазақстанның тауарлық мүддесі, тиімді өткізу нарықтары, статистика, жарнамалық кампаниялар туралы ақпарат, сондай-ақ қазақстандық экспорттаушылар-жеткізушілердің және олардың өнімдерінің тізбесі берілетін болады.
“Бұл экспорттаушылармен кері байланыс бойынша ресурс болады. Олар қолдау шараларын алу үшін жүгіне алады. Портал қазақстандық өнімді импорттаушылар үшін қызықты болады, олар осы порталда әлеуетті экспорттаушыларды, қазақстандық өнімді жеткізушілерді таба алады”, — деді Егембердиева.
Сурет: primeminister.kz
