Қазақстан Үкіметі басшысының бірінші орынбасары Әлихан Смайылов қаржы мониторингі комитетінде өткен алқа отырысына қатысты.
Отырыс барысында қаржы мониторингі комитетінің төрағасы Әбілқайыр Сқақов барлық қатысушыларға экономикалық тергеу қызметін қайта ұйымдастыру нәтижелері туралы айтып, алдағы кезеңге арналған негізгі міндеттерді атап өтті.
Төрағаның айтуынша, қызметтің штаттық құрамы 40%-ға қысқарып, басшылық құрамы 70%-ға жаңартылды. Осы жылы елімізде қылмыстық істерді көрсету 2 061-ден 972-ге дейін төмендеді, өткен жылы басталған 349 қылмыстық іс аяқталды.
Сонымен қатар, жалған қаржы операцияларымен және заңсыз жасырын ойын бизнесімен айналысқан 7 қылмыстық топ анықталды.
Скаковтың ақпараты бойынша, «Астана Банкі» АҚ басқарма төрағасының орынбасары Увалеев ақша қаражатын ұрлаумен айналысқан.
Сондай-ақ, еліміздің аумағында заңсыз контрабанданы әкелу әрекеттерінің жолын кесті, алкоголь өнімдерін өндіру бойынша 8 жасырын цех анықталды,172 ойын мекемесінің қызметі тоқтатылды және 5 мың ойын автоматтары тәркіленді.
Кездесу соңында премьер-министрдің бірінші орынбасары қаржы мониторингі комитетінің басшылығына бірқатар басым міндеттер жүктеді.
