Қазақстан Республикасының Үкіметі жаңа экология, геология және табиғи ресурстар вице-министрін тағайындады. Бұл туралы Үкімет басшысының баспасөз қызметі хабарлады.
Ахметжан Пірімқұлов 1979 жылы Жамбыл облысында дүниеге келген. Ол М. Х. Дулати атындағы Тараз мемлекеттік университетін «Экономист» мамандығы бойынша, сондай-ақ Қазақ гуманитарлық-заң университетін «Заңгер» мамандығы бойынша бітірген. Заң ғылымдарының кандидаты ғылыми дәрежесіне ие.
2001 жылы Пірімқұлов өз мансабын Жамбыл облысы прокуратурасының маманы ретінде бастады. Өзінің барлық еңбек жолында ол негізінен басшылық лауазымдарды атқарды.
Ахметжан Пірімқұлов қоршаған ортаны қорғау министрлігі экологиялық реттеу және бақылау комитеті төрағасының орынбасары, сондай-ақ Энергетика министрлігі экологиялық реттеу, бақылау және мұнай-газ кешеніндегі мемлекеттік инспекция комитеті төрағасының орынбасары қызметтерін атқарды.
Ол 2017 жылға дейін еліміздің энергетика министрлігі экологиялық реттеу және бақылау комитетінің төрағасы қызметін атқарды.
Сурет: Inform.kz
