Қазақстанның ақпарат және қоғамдық даму министрлігінің басшысы Аида Балаева Орталық коммуникациялар қызметінде халықпен есептік кездесу барысында елімізде биыл екі жаңа мемлекеттік телеарна – “Абай ТВ” және “әл-Фараби”ашылмақ. Бұл туралы “ҚазАқпарат”жаңалықтар ресурсы хабарлады.
“Министрлік отандық ақпараттық кеңістіктің бәсекеге қабілеттілігін арттыру және дамыту бойынша дәйекті жұмыс жүргізуде. Қазіргі уақытта осы жылы екі жаңа телеарна ашу мәселесі қарастырылуда”, – деді Балаева.
Ол атап өткендей, “Абай ТВ” телеарнасы ертең іске қосылады. Ол “Қазақстан” телерадиокомпаниясының арналар тобына қосылып, еліміздің мәдени мұрасы мен байлығына арналған жаңа тауашалы телеарнаға айналады.
“Әл-Фараби” арнасын “Хабар” агенттігі базасында жаңа оқу жылының басында іске қосу жоспарлануда. Ол 6 жастан 18 жасқа дейінгі балалар мен жасөспірімдер аудиториясына арналған жаңа білім беру-ағарту ТВ-платформасы болады.
“Біз отандық сериалды өнімдер өндірісін жалғастырамыз. Биылғы жылы 42 сериал өндірісі жоспарланған. Көрермендер арасында отбасы құндылықтары, волонтерлердің жұмысы туралы қызықты жобалар, педагогтар, дәрігерлер, полицейлердің имиджін көтеруге, салауатты өмір салтын насихаттауға бағытталған сериалдар күтеді”, – деді министр.
Сондай – ақ, коммерциялық теле-және радиоарналар республикадағы аналогтық және цифрлық телерадио хабарларын тарату қызметтеріне ақы төлеуден босатылады.
Сурет: lenta.inform.kz
