Казахстанда автомобиль жасау жергілікті кәсіпорындарды жетілдіру арқасында дамып келеді. Бұл туралы қазақстандық автобизнес қауымдастығы президентінің орынбасары Анар Мақашева хабарлады.
Вице-президенттің айтуынша, елімізде машина жасау іске біршама жақында қосылса да, биылғы жылы Қазақстанда автомобиль жасау 27%-ға өсті.
“Бұл 2019 жылдың қорытындысы бойынша. Егер бұрын Қазақстанда шығарылған автокөліктердің үлесі елдегі барлық авто сату құрылымында 10%-дан сәл артық болса, бүгін ол 50%-ға дейін өсті”, – деп толықтырды ол.
Сонымен қатар, Анар Мақашева Қазақстан Республикасындағы ең өнімді машина жасау кәсіпорны “СеМаз”екенін атап өтті.
“Бұл компанияда өндіріс өсімі 309%-ды құрады. Биылғы жылы 581 автокөлік шығарылды. Ол үшін кәсіпорын өндіріс көлемін толық жаңғыртып, модельдік тізілім жақсартылды. Автокөліктерді сатудың жалпы үлесіне келетін болсақ, 7 айдың қорытындысы бойынша 39 мың 142 автокөлік сатылды. Сонымен қатар, 2019 жылға арналған болжамымыз 60 мың бірлікті құрайды”,-деді вице-президент.
Бұдан басқа, өнеркәсіп және агроөнеркәсіп кешені бойынша Еуразиялық экономикалық комиссия алқасының мүшесі Александр Субботин біздің елде ЕЭО мүше-елдері арасында машина жасау өнімдерінің ең жоғары өсімі тіркелгенін айтты.
“Бізде машина жасау өнеркәсібін дамыту саласында 19 келісім бар. Нәтижесінде бұл бізге тауар айналымының 40%-дан астамының артуына жеткізді. Қазірдің өзінде комбайндар, тракторлар, КАМАЗ және жүк көліктері, жеңіл авто және тіпті газтурбиналық қозғалтқыштарды бірлесіп өндіру жөнге салынды. Машина мен жабдықтар өндірісіндегі кооперациялық жеткізілімдер 15%-ға, ал электр жабдықтары өндірісіндегі – 10%-ға өсті”, – деді Субботин.
