Қазақстандық еңбек және әлеуметтік қорғау министрлігінің өкілдері өткен жылы 600-ден астам адам еңбек қауіпсіздігінің ережелерін бұзғаны үшін жұмыстан шығарылғанын хабарлады.
2019 жылы мемлекеттік еңбек инспекторлары 9,5 мыңнан астам тексеру жүргізді, оның нәтижесі бойынша 2,5 мыңға жуық заң бұзушылықты анықтады.
Осыған байланысты қазақстандық жұмыс берушілер анықталған бұзушылықтарды жою туралы 480 ұйғарым алды. Сонымен қатар, оларға, жалпы сомасы 25,5 млн. теңгеден асатын, 200-ден астам әкімшілік айыппұл салынды.
Сондай-ақ, мемлекеттік инспекторлардың талабы бойынша 600-ден астам лауазымды тұлға еңбек қауіпсіздігі ережелерін бұзғаны үшін жұмыстан шығарылды, олардың кінәсі дәлелденді. Сонымен қатар 2 өндірістік нысанның жұмысы және 7 ұйымның қызметі тоқтатылды.
Қазақстан Еңбек министрлігінің ақпараты бойынша, бүгінгі таңда отандық кәсіпорындарда 15 мыңға жуық өндірістік кеңес жұмыс істейді.Олардың міндеттері өндірістік жарақаттанудың алдын алу болып табылады.
Сурет: businessman.ru
