Қазақстан Сауда және интеграция министрлігінің делегациясы өңірлік консультацияға қатысты, онда Дүниежүзілік сауда ұйымының министрлік конференциясына дайындық мәселелері қаралды, деп хабарлайды ведомствоның баспасөз қызметі.
Қазақстан Сауда министрлігінің ақпараты бойынша, Бангкокта өткен кездесуде, министрлік конференция келесі жылдың 8-11 маусымында еліміздің астанасында өтетіні белгіленді.
Кеңес барысында қатысушылар министрлік конференциясының күн тәртібіне шығарылуы мүмкін мәселелерді қарастырды, сондай-ақ оны дайындаудың ағымдағы кезеңін талқылады.
Министрлік конференцияда талқыланатын мәселелер туралы айта келе, олар Дүниежүзілік сауда ұйымын реформалау, қызметтерді реттеу саласындағы жаңа жаһандық ережелер және инвестициялар мен электрондық сауда мәселелеріне байланысты болады деп атап өтілді.
Қазақстан сауда министрлігінің ақпаратына сәйкес, консультацияларға мемлекеттік органдар, халықаралық ұйымдар және азаматтық қоғам, сондай-ақ Азия-Тынық мұхит аймағы елдерінің бизнес-топтарының өкілдері қатысты.
Сурет: Trade.gov.kz
