Қазақстан Республикасының Президенті Қасым-Жомарт Тоқаев қол қойған жарлыққ сәйкес Қазақстан Денсаулық сақтау министрлігінің басшысы Елжан Біртанов қызметінен босатылады, деп хабарлайды zakon.kz. жаңалықтар ресурсы.
Қасым-Жомарт Тоқаев басқа жарлықпен жаңа Денсаулық сақтау министрін тағайындады. Енді бұл қызметте Алексей Цой еңбек етеді, оның кандидатурасын Қазақстан парламенті төменгі палатасының депутаттары мақұлдады.
Алексей Цой 1977 жылы Шымкентте дүниеге келген. Ол Оңтүстік Қазақстан мемлекеттік медицина академиясын және “Дәнекер” халықаралық құқық және халықаралық бизнес институтын бітірген.
Сондай-ақ ол Ресей Президенті жанындағы Ресей халық шаруашылығы және мемлекеттік қызмет академиясы мен халықаралық бизнес академиясының корпоративтік басқару Жоғары мектебінің тыңдаушысы болды.
Қазақстан Республикасы Денсаулық сақтау министрлігінің басшысы лауазымына тағайындалғанға дейін Алексей Цой Денсаулық сақтау вице-министрі қызметінде еңбек етті, оған дейін республика Президент істері басқармасының медициналық орталығының басшысы болды.
Сурет: total.kz
