Парламент жоғарғы палатасының спикері Дариға Назарбаеваның төрағалығымен Қазақстанның бюджет заңнамасын жетілдіру бойынша кеңес отырысы өтті. Бұл туралы Сенаттың баспасөз қызметі хабарлады.
Отырыста бюджет процесін реформалау жөніндегі жол картасымен Қазақстан Республикасы Ұлттық экономика министрлігінің басшысы Руслан Дәленов сөз сөйледі.
“Біз 2011 жылдан бастап 2018 жылға дейін жүзеге асырылған 10 мемлекеттік бағдарламаға талдау жүргіздік.Олар бойынша шамамен 9 триллион теңге игерілді, бірақ бюджет 608 миллиард теңгеге, біздің ойымызша, тиімсіз игерілді. Атап айтқанда, табыстар көбейген жоқ, жұмыс орындары құрылмаған және т.б. Мемлекеттік қаржыны тиімсіз іске асыру үшін жауапкершілікті белгілеу керек деп санаймыз, ал мемлекеттік бағдарламаларды жүзеге асыру бойынша есептерді төленген салықтар, жаңа жұмыс орындары, өнім шығару көлемі және т.б. бөлімдермен толықтыру қажет”, – деді Дәленов.
Сенат төрағасы Руслан Дәленовтің ұсынысын тыңдап, оны қолдады. Назарбаева “бізде адам бір саланы басқарады, мемлекеттік бағдарламаны әзірлейді,біраз уақыттан кейін мұның барлығы тиімсіз немесе басымдықтар қате таңдалған болып, мемлекеттік қазынаға залал келтірілгенін көріп отырмыз, бірақ кадр ротациясы орын алып,басқа адамдар келгендіктен,жауап берер адам жоқ”екенін өтті.
Сондай-ақ, отырыста бюджет қаражатын тиімсіз пайдаланғаны үшін әкімшілік айыппұлдардың мөлшері талқыланды. Депутаттардың пікірінше, бұл айыппұлдың мөлшері жалған болмауы керек,ол шығынмен шамалас болуы керек.
