Өскеменде ҚР Ұлттық гвардиясының “Шығыс” өңірлік қолбасшылығының 5518 әскери бөлімінде “Үздік БТР экипажы” және “Үздік жүргізуші” атақтары үшін жарыс өтті.
Байқауға Ұлттық гвардияның “Орталық”, “Оңтүстік”,”Батыс”, “Шығыс” өңірлік қолбасшылықтардың және ҚР Ұлттық гвардиясының әскери институтының, сондай-ақ тікелей бағынысты әскери бөлім қызметшілері қатысты.
Генерал-майор Сағатбек Нұрахметов жарысқа ең мықты сарбаздар қатысқанын, олар мұқият іріктеліп алынғанын баса айтты.
“Жарыстың басты мақсаты – практикалық дағдыларды арттыру және үздік жүргізуші мен үздік әскери экипажды анықтау. Біз бүгін өздерінің кәсіби сапасын көрсеткен БТР жүргізушілері мен экипаждары арасындағы ең үздіктерді анықтадық”, – деді Нұрахметов.
Алғашында жарысқа қатысушылар тереңдігі 3 метр болатын су бассейнін өту қажет болды. Одан кейін, үш түрі нысанаға пулеметтен оқ ату қажет болды. Мәре сызығы ауқымды тоннельмен жүріп өту болды.
Әскери іс-шараның екінші бөлімі қатысушылардан КамАЗда тауларды еңсеріп, қос табан көпірден жүріп өтуді талап еткен “Үздік жүргізуші” атағы үшін жарыс болды.
ҚР Ұлттық гвардиясының техника және қару-жарақ бас басқармасының бастығы Константин Воронкин бұл жарыс үшін жол жабыны өзгертілгенін айтты.
“Менің ойымша, тау жағдайлары өте күрделі трассалар. Тиісінше, қауіпсіздік шараларын ұмытпай, жылдамдық режимдерін сақтау өте маңызды. БТР-ға келетін болсақ, машина Ұлттық гвардияның қару-жарағы қатарындағы негізгі жауынгерлік бірліктің бірі болып табылады. Әзірге жетілдіру жүріп жатыр, бірақ бұл үлгі өзгеріске ұшырамайды”, – деді Воронкин.
Үздік экипаждарға, жүргізушілерге, техниктер мен атқыштарға марапатты Ұлттық ұланның бас қолбасшысының техника және қару-жарақ жөніндегі орынбасары Сағатбек Нұрахметов, және “Шығыс” өңірлік қолбасшылығының қолбасшысы Қайрат Ақтанов наградаларды табыс етті.
