Әуе қорғанысы күштерінің Әскери институтында курсанттардың оқу бағдарламасын меңгеруіне ықпал ететін УБС L-39С жаттығу кешендері орнатылды. Бұл туралы Ақтөбе гарнизонының баспасөз қызметі хабарлады.
Жаттықтырғышты осы институттың профессор-оқытушылар құрамы әзірледі. Оның математикалық қамтамасыз етілуіне DCS World компьютерлік бағдарламасы негіз болды, себебі ол бастапқыда кәсіби оқыту үшін құрылған болатын.
Әскери институтта орнатылған жаттығу құрылғысы даярлаудың көп деңгейлі жаттықтыру жүйесін толық қамтамасыз етуге мүмкіндік береді. Курсанттар оқу мен компьютерлік ойындарды біріктіре алады, бұл оқу бағдарламасын меңгеруге жағымды әсер етеді.
Бұл жөнінде осы институт бастығының орынбасары подполковник Бауыржан Қуатов пікір білдірді. Ол ұшқыштарға қойылатын талаптар күн сайын артып келе жатқанын атап өтті.
“Осыған байланысты курсанттарды дайындауды жетілдіру мәселесі өткір тұр, оны шешу ғылыми зерттеулерді қажет етеді. ЖОО-да оқу үрдісінде болашақ ұшқыштарды кәсіби даярлаудың жаңа шарттары мен әдістерін іздеу қажет, себебі бұл табысты кәсіби қызметтің маңызды факторларының бірі болып табылады”, – деді ол.
Сурет: caravan.kz
