2019 жылы Қазақстанда лаңкестікке және экстремизмге қатысы бар 31 шетелдік ұсталды. Бұл туралы ҚР Ұлттық қауіпсіздік комитеті төрағасының орынбасары Нұрғали Білісбеков мәлім етті, деп «ҚазАқпарат»ХАА хабарлайды.
«Терроризмге қарсы іс-қимыл құрылымы аясында Тараптардың шекара қызметтері өзара іс-қимыл жасайды. Жыл сайын осы қызметтердің сарапшылары тұрақты негізде кездесіп, тиісті шешімдер шығарады. Мұның бәрі ынтымақтастық бойынша бірлескен операциялар аясында жүргізіледі. Ағымдағы 2019 жылы Қазақстан шекарашылары 10 шетелдікті ұстады және оларды Отанына қайтарды», — деді Нұрғали Білісбеков Мәжілістің пленарлық отырысында.
Ол сондай-ақ ҰҚК-нің іздестіру қызметіне де тоқталды.
«Ұлттық қауіпсіздік комитеті жедел-іздестіру жұмыстарын жүргізуде. Осы жұмыс барысында 2019 жылы біз лаңкестікке және экстремизмге қатыстылығы үшін шет мемлекеттердің 31 азаматын құрдық және оларды Отанына қайтардық», — деп нақтылады Нұрғали Білісбеков.
