Қазақстан Ауыл шаруашылығы министрлігінің өкілдері біздің елімізде кейбір азық-түлік тауарларын экспорттауға тыйым салу туралы шешім қабылданғанын хабарлады. Бұл туралы vlast.kz ақпарат арнасы жазады.
Ауыл шаруашылығы министрлігі қарақұмық жармасы, ақ қант, картоп, сәбіз, пияз және ақбас қырыққабат сияқты азық-түлік тауарларын экспорттауға тыйым салынғанын хабарлады.
Сонымен қатар, ауыл шаруашылығы министрлігі тауарлардың мұндай түрін экспорттауға тыйым салу туралы шешім ішкі нарық қауіпсіздігін және азық-түлік қауіпсіздігін қамтамасыз ету үшін қабылданғанын түсіндірді.
“Бізде барлығы жеткілікті, бірақ қазіргі уақытта төтенше жағдай тәртібінде ең бастысы – ішкі нарықтың қауіпсіздігін қамтамасыз ету. Бұл қалыпты жағдай. Бұл ішкі қауіпсіздік үшін қажет”, – деп толықтырды ведомствода.
Министрлікте кейбір азық-түлік тауарларын экспортқа шығармау іске асырылап жатқанын, бұл төтенше жағдай режимі аяқталғанға дейін әрекет ететінін баса айтты.
Қазақстан Республикасында Төтенше жағдай режимі ағымдағы жылдың 15 сәуіріне дейін әрекет етеді, алайда президент Қасым-Жомарт Тоқаев айтқандай, қажет болған жағдайда ол ұзартылуы мүмкін.
Сурет: agroportal.ua
