жағдай кезінде биологиялық қорғауды қамтамасыз ету жүйесін жетілдіру қажеттілігі туындады. Бұл туралы ҚР Денсаулық сақтау министрі Алексей Цой ведомствоның кеңейтілген алқа отырысында мәлімдеді, бұл туралы “ҚазАқпарат”ХАА тілшісі хабарлайды.
“Төтенше жағдай кезінде қазіргі заманғы қорғаныс құралдарын енгізуді қоса алғанда, биологиялық қорғауды қамтамасыз ету жүйесін жетілдіру және олардың терроризмге қарсы тұрақтылығын арттыру қажеттілігі туындады. Осыған байланысты 2021 жылы біз “Қазақстан Республикасының биологиялық қауіпсіздігі туралы” Заңды әзірлеуіміз керек”, — деді Алексей Цой.
Бұдан өзге, министрдің айтуынша, осы заңды іске асыру шеңберінде бақылау жүйесін жетілдіру үшін халықтың денсаулық жағдайын бағалау, талдау және болжау, қауіп-қатерлерге ден қою жүйесін дамыту бөлігінде 38 НҚА-ға түзетулер енгізілетін болады.
“Еліміздің медициналық жоғары оқу орындарында санитарлық-гигиеналық бейіндегі факультеттер қалпына келтірілді. Санитарлық-эпидемиологиялық қызметтің кадрлық әлеуетін арттыру үшін қайта даярлау және біліктілікті арттыру жүйесі жетілдірілуде. Қызметті цифрландыру 2025 жылға дейін аяқталады”, — деді Алексей Цой.
Санитарлық-эпидемиологиялық қызметтің инфрақұрылымын жаңғырту үшін 2022-2024 жылдар аралығында Комитеттің аумақтық бөлімшелерінің 54 ғимаратына жөндеу жұмыстары жүргізілетіні атап өтілді. 3 зертхананың жаңа ғимараттарын салу және Ұлттық сараптама орталығының 27 ғимаратын жөндеу жоспарланған. Комитеттің аумақтық бөлімшелері үшін 64 бірлік автокөлік сатып алынады.
